کویون هواسی یاریم چیخماز منیم باشیمدان
دورماز بو یاندیران اود سونمز گوزوم یاشیندان

سانجیلدی غمزون اوخ تک یئر سالدی قلب ایچینده
من لاپ ازل ده بیلدیم چیخماز خطا قاشیندان

سندن شکایت ائتمک انصافدان اوزاخدی
لوطفونله دولدو داشدی ثروت منیم باشیمدان

گونلوم الینده ایکن قورخوم یوخ هئچ بلادان
چوخ امن بیر بوجاق دیر تیکمیش قدر داشیندان

یارین یولوندا عومروم چاتدی باشا قوتاردی
صرف اولدو حاق یولوندا هر لحظه سی یاشیمدان

ارکین سنین قولوندور وار لوطفووه اومیدی
کسمه بو لوطفی شاهیم سن تورک دیلداشیندان

نظرات شما عزیزان:

abc

ساعت10:36---16 دی 1394

چوخ گوزل

نام :

آدرس ایمیل:

وب سایت/بلاگ :

متن پیام:

نظر خصوصی

 کد را وارد نمایید:

 

 

 

عکس شما

آپلود عکس دلخواه: